發文作者:Silver | 星期三, 16 八月 2006

茄哩啡

與友閒聊,無意說起「茄哩啡」的來源。友人驚訝,茄哩啡真的從carefree音譯過來?怎麼可能?

怎不?英文carefree本身解作「無拘無束的」、「輕鬆愉快的」,也指「無關重要的人」,於是影視行業裏的臨時演員或戲份不多的小角色,便順理成章稱為carefree。只是很多把「茄哩啡」掛在嘴邊的香港人,並不知道其外來詞的身份罷。

回家上網一看,發現carefree背後原來大有文章:

話說某日森美在商業電台跟幾個同事閒談,有人問起「茄哩啡」的來由,陶傑在場答道,茄哩啡是從carefree直譯而來。對方直笑,那豈不像衛生巾一樣?才子一貫認真,視之理所當然,皆因「茄哩啡同衛生巾都係攝下攝下」。眾人忍俊不禁,才子續說,其實兩者倒不盡同,「衛生巾總有日會紅,但茄哩啡可能一世都唔紅。」

如此鬼才!請受小妹一拜!XDDD

廣告

Responses

  1. 「衛生巾總有日會紅,但茄哩啡可能一世都唔紅。」

    這個比喻我聽過,當時真的笑得人仰馬翻 XDDDDDDDD

    至於茄哩啡是否真的出自Carefree我倒有所懷疑,記憶中第一次出現這個詞語,應是伊雷在1978年主演的港產片「茄哩啡」。其中主題曲的「茄哩啡,唔係煙一pair;出得先,一出俾佢騎」在當年可是唱到街知巷聞呢。

  2. 「衛生巾總有日會紅,但茄哩啡可能一世都唔紅。」

    真的很絕。XDDD

    老占:你的記性這麼好,我完全不記得有過這算歌。:P

  3. 至於茄哩啡是否真的出自Carefree我倒有所懷疑,記憶中第一次出現這個詞語,應是伊雷在1978年主演的港產片「茄哩啡」。其中主題曲的「茄哩啡,唔係煙一pair;出得先,一出俾佢騎」在當年可是唱到街知巷聞呢。

    78年的事小銀不知道呢。:P

    茄哩啡的來源有其他版本,有人說是kill film(因為臨時演員不夠專業,往往浪費菲林),更有人說這與他們在片場吃的飯餐款式有關 XDDD。不過我最先接觸的是Carefree,也知道這說法最為學者認同。至於哪個是正統,就不得而知了。

  4. 另人期待的銀線blog 終於成立, 客氣野唔多講了, 坦白講, 心態上已經沒有太大興趣流連於網上論壇, 話不投機半句多, 反而對網友的blog文什感興趣, 由其係汝等文化人(包括輪叔和占叔) 🙂

    睇見茄哩啡lee個topic, 令我回想起幼時 – 曾經作為衛生巾的一份子, 有幸拍過幾套電影, 有些上過大銀幕, 部份相信連影帶都未出過 XD

    諗諗下又真係幾似衛生巾, 一組戲九個鐘, 基本上有八個半鐘都係standby, 冇野好做, 又唔知等到幾時, 突然導演一聲令下就要上場, 話之你人有三急都要頂硬上, 一拍完就打發你走, 第二日又換過D衛生巾 XD

    試過有次扮奇兵黎香港打劫, 身上裝上2個血彈扮中鎗(自己有個switch一按就爆), 點知只爆得一個, 結果比無良領隊扣起$50蚊….XDDDDDDDDDDD

  5. Saturn兄大駕光臨!有失遠迎~~~
    不說不知Saturn兄原來曾是影壇小童星呢!:D

  6. 你係女既?!?!
    唔好意思.. 一直以為你係男既…

    同埋由你既朋友留既comments 黎睇…
    你識睇廣東話.. 甘你係唔係香港架?!

    我好佩服你寫既野..
    皆因.. 我中文程度極差…
    英文又半桶水
    同埋.. 好多時都有resources 去backup
    可能一黎.. 我少睇網上人地寫既野..
    但係好鍾意你寫既野

  7. 啊.. 我係呢篇度留comment 係因為..
    甘啱我呢排都係度諗緊.. 到底"茄哩啡" 既英文係咩~

  8. 你係女既?!?!
    唔好意思.. 一直以為你係男既…

    同埋由你既朋友留既comments 黎睇…
    你識睇廣東話.. 甘你係唔係香港架?!

    我好佩服你寫既野..
    皆因.. 我中文程度極差…
    英文又半桶水
    同埋.. 好多時都有resources 去backup
    可能一黎.. 我少睇網上人地寫既野..
    但係好鍾意你寫既野

    大概yungyungkk一直以來看到的是「亦男亦女」才對 :mrgreen:
    這是小妹(港產Silver)和Cable的合blog呢 🙂
    yungyungkk過譽了,小妹只不過是「識少少扮代表」 😛


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

分類

%d 位部落客按了讚: